| 网站首页 | 壮族文化 | 壮乡见闻 | 壮学研究 | 历史印记 | 民风民俗 | 壮乡音视 | 壮医壮药 | 壮网留言 | 碧侬论坛 | 
地方频道: 文山 | 砚山 | 麻栗坡 | 西畴 | 广南 | 马关 | 富宁 | 丘北
文章 下载 图片 商品
您现在的位置: 文山壮族网——壮族人的网上家园,壮族同胞心灵相约的港湾。 >> 壮学研究 >> 历史文化 >> 正文
民族地区开展人民陪审员双语培训教育的思考(壮文版)
作者:高慧君 高…    文章来源:本站原创    点击数:    更新时间:2018/10/30

Gij Naemjloh Youq Dieg Minzcuz Guh Song Vahsaw

Beizyin  Son’gyauq Bouxbuenxsaemj Yinzminz

民族地区开展人民陪审员双语培训教育的思考

 

Gauh Veiginh  Gauh Cicangh sij  Veiz Caijcinh hoiz / 高慧君 高济昌 写  韦彩珍 译

GenjgangjCoenzvah doxdoeng dwg gaiqmoizfaplwg gauqsaehfaplwd aeu coenzvah gangj cinjdeng hableix bae guhbaenz dawzfap doxhuz caeuq goengcingq. Dieg minzcuz deng vwnz-vafungsug sibgvenq doenghgij neix yingjyangjyouq mwh dawzfap gauqsaeh miz gij yiengh-saeh deng coenzvah hanhhaed bouxbuenxsaemj guh gauqsaeh neix. Gak gaep fazyen aeu fap-guek guh gyangsimaeu dawzfap bang beksingq guh gizhwnjdin caeuq gizdaengxdinyouq sevei laebhwnj caezcienz doih vunz bouxbuenxsaemj “rox yungh song vahsaw”caencingq mbouj hawj coenzvah gazngaih faplwd gauqsaehhawj de ndaej baenz gij beksingq rox bek-singq yunghbaujcang gijgienzleih gauqsaeh gyoengq vunzlai dieg minzcuz. Faenzcieng daj sam fuengmienh bae lwnhgangj gij beizyin son’gyauq song vahsaw youq mwh buenxsaemj miz yungh dangqmaz.  Gveihfan son’gyauq song vahsawhawj vah dawzfap ndaej dak dawzfap goengcingqbaengh goengrengz gyoengq bouxcanghcaiz ndaw minzcuz yenyau caeuq yenzgiu gihgoulaebhwnj beizyin gihgouhawj gyoengqde lai miz aensim gag gungganq gag son-gyauqhawj bouxbuenxsaemj guhbaenz bouxdazyinx yungh vah minzcuzboux ciepswnj yungh vah minzcuz dawzfap gauqsaehcijmiz yienghneix cijndaej langh’ok gij saehndei simndei fugsaeh minzcuz.  

Swz haedfaenzBeizyin song vahsawdawzfap goengcingqdawzfap minzcujrox yungh song vahsaw

Cunghgung Cunghyangh Aen Gietdingh Gven daengz Cienzmienh Doicaenh Ciuqfap Guenj Guek Haujlai Aen Vwndiz Hungnaek》(lajneix genjdanh heuhguh Gietdingh》) youz Cibbet Gaiq Seiq Cungh Daengx Hoih saemjlwnh doenggvaq neixdwg doiq aen cidu bouxbuenxsaemj yinzminz guh fazcanj caeuq cauhmoq youqgaenj,《Gietdinghgvidingh“Caezcienz aen cidu bouxbuenxsaemj yinzminzbaujcang gij buenxsaemj gienzleih vunzbiengzgyahung gij fanveiz camgya saemjcaezcienz gij fuengsik youz aengih nep sienjhawj gij cidu bouxbuenxsaemj yinzminz lai ndaej vunzbiengz saenqciemhciemh hengzguh boux-buenxsaemj yinzminz mbouj caiq saemjleix faplwd habyungh vwndizdan caeuqfaenh saemjleix saedsaeh nyinhdingh vwnzdiz. ”[1]Daengx Guek Yinzda fatbouh Daengx Guek Yinzminz Daibyauj Daihhoih Cangzvu Veijyenzvei Aen Gietdingh Gvendaengz Hawj Gienz Youq Mbangj Dieg Haiguh Gij Hongsaeh Sawqhengz Gaijgwz Aen Cidu Bouxbuenxsaemj YinzminzCauj-an)》,faencek gij minzcuj fazci caeuq doxhuz seveiyouq mwh dawzfap goengcingq, dinghlaeb gij yungh-cawq bouxbuenxsaemj yinzminzdoengh gij neix dwg gij hengzguh cauhmoq gaijgwz dawzfapmaihauh hongsaeh buenxsaemj haeuj daengz aen mbaek moq.

Gvangjsih dieg youq henzhaij baihsaenamz Cungguekdwg najcoh aendou youqgaenj caeuq giz ceiq baihnaj Dunghmungz ginghci baedauqyouh dwg giz dieg lai minzcuz youqseiqhenz diegdeih daeg-bied caeuq dwg bakhamq gozci mouyiz baedauqdaengx dieg gyonj miz gyaeujvunz 5000 lai fanh bouxndawde gij vunzsoq siujsoq minzcuz daih’iek miz 1778 fanh bouxciemq soqgyoeb gyaeujvunz 38%, daengx dieg gungh miz bouxbuenxsaemj 4271 bouxgyoengqde gietcomz dungxcaiz caeuq caiznaengz gyoengq vunzlai gak minzcuz Gvangjsihvih baujcang gihyiz ginghci caeuq fazcanj ok gij goengrengz gyoengqde. Gak aen fazyen caengzlaj guh gij damqra caeuq cauhmoq miz cingsaenz ciuhseizdoekdingh gij fazyen giz sawqhengz yiengh hongsaeh gaijgwz boux-buenxsaemj yinzminzyouq mwh seizndei caeuq saeh-naek caemh mizdaj sevei lai giz lai mbiengj bae gouzra haujlai gij fuengfap dwg gaijgwz caen hengz ndaej neix. Vihneix bouxraiz yaekdawz lwgda comz youq beizyin son’gyauq bouxbuenxsaemj rox yungh song vahsaw fuengmienhdamqra gij mizyungh song vahsaw, youq mwh dawzfap ndaej bangcoengh gyoengq vunzbiengz dieg minzcuz gauqsaehhawj bouxbuenx-saemj yinzminz youq mwh dawzfap gauqsaeh guhbaenz “boux bang ginzcung gangjvah”.

 

ItCoengmingz baujcangHaiguh gij hongsaeh son’gyauq bouxbuenxsaemj yinz-minz rox yungh song vahsaw dwg sevei aeuyungh

 

“Vah caux okdaeuj couh dwg vih gangjok gij yienghsaeh fanjyingj gwzgvanh caeuq cujgvanh seiq-gyaiq, hoeng ‘yienghsaeh’ dwg daengxaen saek gaiq-yiengh byoxmwdmboujmiz vehfaen mboujmiz gyaiq-hanh, vunzraeuz yungh swzvei coenzvah bae naemj vehfaen caeuq raizveh seiqgyaiqyouh hawj seiqgyaiq doenggvaq coenzvah miz gij yienghsiengq seizneix okdaeuj”[2] gangjvah dwg yiengh gaiqmoiz gig youq-gaenj sevei cozyung ndeudaegbied dwg youq mwh youq dieg minzcuz hwnqguh fapguenj, bakgangj caeuq raizsaw gangjok sevei fazcanj fuengfueng mienhmienh, hoeng youq mwh dawzfap gauqsaeh ndawde, miz gij yienghsaeh deng coenzvah hanhhaed bouxbuenxsaemj yinzminz dawzfap fugsaeh vunzbiengz.

Siz Siujyinz youq gwnz Aenhoih Doxdamz Hong-saeh Beizyin Fazgvanh Rox Yungh SongVahsaw gangj: “Raeuz lij aeu lailai hawj bouxbuenxsaemj rox yungh song vahsaw buenxsaemjyouq seiz noix boux rox song vahsawaeu bouxbuenxsaemj rox song vahsaw haenx dangguh gij ligliengh boujgya boux fazyen rox yungh song vahsawbaenzneix baujcwng fazyen yungh song-vahsaw hwnjgauq caeuq guh hongsaeh ginzcung aeuyungh”.[3] Yungh song vahsaw dwg gangj yungh vah minzcuz bonjfaenh youh yungh Vahbujdungh guek-gyagenjdanh heuhguh gij minzcuz rox yungh song vahsaw caeuq Bouxgun rox yungh song vahsaw. Youq mwh saedguh hongsaeh buenxsaemj, bouxbuenxsaemj yinzminz siujsoq minzcuz ndaej yungh vah raeuzred minzcuz bonjfaen, youh ndaej yungh Vahbujdungh youq dingzsaemj doxgangjyungh gij naengzlig doeng-gvaqaen’uk rox song vahsawdaeuj gangjok caeuq lij-gaij daengxseiz dingzsaemj,baenzneix ndaej swnhleih gaijgez cungjcungj doxcengcoicaenh bouxdangsaeh ndaepsaeh huzgaij, hawj vunzbiengz dieg minzcuz youq mwh dawzfap huzndei ndaej daengz ndeicawq, gibseiz fanjyingj swhsiengj caeuq nyienhmuengh bek-singq, bangnyoengx gij gvanhaeh dawzfap ndaw siuj-soq minzcuz guhbaenz engq huzndei, hawj yinzminz ginzcung caencingq roxnyinh daengz bouxbuenxsaemj rox song vahsaw, youq seiz dingzsaemj miz yungh dangqmaz. Doengzseiz youh coicaenh gak gaep yinz-minz fazyen dieg minzcuz aeu roengzrengz damqra diuzloh mizyauq beizyin son’gyauq bouxbuenxsaemj yinzminz, cingqdeng bae dawzndei gij gvanhaeh lai yiengh vah minzcuz, gingqcungh lai aen minzcuz faz-canj gvilwd, cauxguh aen vanzging hwnjgauq haemq ndei, hab gyoengq ginzcung dieg minzcuz aeuyungh. Gvangjsih fazcanj baenz yienghneix, liz mbouj ndaej aen vanzging aeu fapguenj guh daemxcengj caeuq baujcang, aeu dungyenz sevei gak gyaiq vih son-gyauq bouxbuenxsaemj yinzminz rox song vahsaw ok geiq ok maeuz, cawqleix ndei gij gvanhaeh vah minz-cuz caeuq sevei, hawj ginzcung gag rox haeuj daengz ndaw faplwd swhveiz daeuj, hingzveiz gveihfan gyoengqde hab ndawbiengz minzcuz fazcanj aeuyungh, youh doiqgveihfan sibgvenq ndawbiengz haeuj sevei miz bangcoengh, youq gwnz giekdaej neix, ciuqei son-gyauq rox yungh songvahsaw gveihfan fazcanj, guh-baenz hongsaeh buenxsaemj cauhmoq, gaeuq hawj beksingq minzcuz dawzfap gauqsaeh aeuyungh.

 

NgeihCauhmoq saedguhDamqra diuzloh beizyin son’gyauq song vahsaw bouxbuenxsaemj yinzminz

 

Dieg minzcuzyouq fazcanj gyaenanz ndawde guhbaenz le gij fuengsik yungh vah bonjfaenh dox-gangj neix, “Cungguek couh dwg aen guekgya bauh-amz haujlai aen minzcuz ndeu, daj ciuhgeq hainduj, gwnz benq dieg neix couh yungh gak cungj gak yiengh vah, miz boux yenzgiu gaujcingq, cungj rox yungh songvahsaw neix, daj mwh biengz ciuhnduj couh gaenq guhbaenz.”[4] Daj gij song vahsaw fazcanj caeuq lienzdaemh daeuj yawj, fapguek guekgya daez-ok, siujsoq minzcuz cungj ndaej yungh vah minzcuz bonjfaenh, hix iudaeuz doigvangq yiengh vah guekgya doengyungh, hix couh dwg Vahbujdungh Vahgun, neix couh hawj gij vahminzcuz bonjfaenh caeuq Vahbuj-dungh Vahgun song vahsaw doxgangj fazcanj riengj-vaiq, doiq gij dawzfap diuzgaij doxgangj doxdoeng-minzcuz ndawde miz sevei yiyi youqgaenj, daegbied dwg youq minzcuz dox baedauq ndawde, doxsan miz haujlai yinzvwnz vwndiz, neix iugouz hongsaeh fazyen aeuyungh damqra fuengfap moq, hawj gij fuengfap neix hab dieg minzcuz fazcanj aeuyungh, Gvangjsih gak aen fazyen caengzlaj youq mwh hezdiuz fazcanj mbiengj ndeu ginghci, saedbauj mbiengj ndeu youq seiz an’onj aeundaej yaugoj ndei, “aen fazyen dieg minzcuz fucwz saemjleix gak cungj anqgienh aenvih doxceng cauxbaenz hwnjgauj neix, dwg diuzloh youq-gaenj gaijgez dieg minzcuz doxceng. Gij gihci dawzfap gaijgez doxceng dieg minzcuz haenx miz cozyung youqgaenj, mboujdan raen youq soqliengh anqgienh fuengmienh, lij raen youq ndaw gij hozdung doeng-gvaq fazyen saemjbuenq roxnaeuz diuzgaij, doiq gap-baenz gij gihci gaijgez lai yiengh doxceng mizok cozyung ndei”[5], saedhengz gij cidu bouxbuenxsamj yinzminz doxdaeuj, gij anqgienh yungh song vahsaw saemjleix engqgya hawj hongsaeh bouxbuenxsaemj miz giz yungh lai, hawj hongsaeh bouxbuenxsaemj youq dieg minzcuz caencingq fazveih ciznwngz daegsaek, dieg minzcuz hongsaeh buenxsaemj mbebaij gij anq-gienh lai cungj lai yiengh buenxsaemj saedguh haenx, saedguh gangjmingz, dieg minzcuz dawzfap gaijci it-dingh aeu riengz minzcuz sibgvenq byaij roengzbae, cijndaej daengz sevei yauyiz ndei. Lumjbaenz Yungz-suij Myauzcuz Swciyen miz MyauzcuzYauzcuzDungcuzBouxcuenghBouxgun lai aen minzcuz, gak aen minzcuz cungj gag yungh vah bonjfaenh daeuj doxgangj doxhag. Hoeng mizmbangj dieg aenvih fazcanj mbouj bingzyaenx, vwnzva suciz daemq, doiq gaijgez gij doxdawz doxceng roxyiuj mbouj daengz giz, daegbied gyoengq boux gihminz seiqhajcib bi dox-hwnj, dingzlai mbouj rox gangj Vahbujdungh, dan rox vah minzcuz bonjfaenh, yiengh saeh neix hawj fazyen guh saemjbuenq miz di gunnanz, Yungzsuij Myauzcuz Swciyen Yinzminz Fazyen buqgej le diuz daeznanz neix, hawj bouxbuenxsaemj yinzminz rox yungh song-vahsaw, yungh vah minzcuz caeuq bouxdangsaeh dox-gangj, dawz sim depgyawj ginzcung, hawj gyoengq boux beksingq mbouj dingq Vahbujdungh, youq ndaw doxceng rox dauhleix fap caeuq simcingz vunz, baenz-neix bae gej gij hotgazndawsim vunz, giet anq sat saeh. Yungzsuij Myauzcuz Swciyen Yinzminz Fazyen youq seiz saedguh yungh ndei bouxbuenxsaemj yinz-minz rox yungh song vahsaw, youq mwh dingzsaemj rox yungh song vahsaw doxgangj, doiq gaijgez doxceng ndei dangqmaz, engqgya gepgyawj ndawbiengz hab simhoz beksingq, aeu miz dawzfap gienzvi cix mbouj dwg doenggvaq gaemhanh doxbik, cix dwg youq mwh saemjleix anqgienh seizseiz doenggvaq fapguenjaeu-eiq vunzmiz minzcuz yisiz daeuj guh.

Lungzcouh Yen Yinzminz Fazyen vih hab hong-saeh fazyen aeuyungh, youq seiz genj bouxbuenxsaemj yinzminz aeu bingzyaenz bouxvunz gak yiengh minz-cuz, daegbied aeu Vahbujdungh ndei mbouj ndei dangguh diuz biucinj daih’it daeuj genj vunz, aeu hab Dunghmungz henzguek mouyiz ginghci fazcanj, youq seiz gaijgez Cungh Yez henzguek beksingq doxceng, baijok gij yunghcawq song vahsaw, doengzseiz yen fazyen youq seiz gyagiengz beizyin son’gyauq boux-buenxsaemj yinzminz rox yungh song vahsaw, yungh gij guhfap gig ndeiseizseiz hawj bouxbuenxsaemj yinzminz youq ndaw song vahsaw doxgangj cungsaed bonjfaenh, vih bouxbuenxsaemj yinzminz cauxok seiz-ndei caeuq dieghoengq, hawj song vahsaw dawzfap diuzgaij youq fazcanj gvaegdieg ginghci caeuq baujcang leih’ik minzcuz fazveih cozyung youqgaenj. Lumjbaenz, mizmbangj bouxbuenxsaemj yinzminz dwg Ginghcuz, yungh “vahmbanj” Ginghcuz, “sim doeng sim” bae soengq “daehlaex”  fapguenj hawj boux-cawxhuq caeuq ginzcung, youq seiz dingzsaemj caeuq diuzgaij gejrungq doxdawz, ndaej ginzcung dangdieg haenhndei. Neix yawjraen son’gyauq bouxbuenxsaemj fazyen caengzlaj dieg minzcuz rox yungh song vahsaw, doiq gaijgez gij doxceng ndawbiengz gyoengq vunzlai, baujcwng ndaej doxgangj caeuqdox doengsim, hawj bouxdangsaeh habhoz, youh dwg fazyen dawzyungh gienzsaemjbuenq caeuq gij hozdung gauqsaehdawzfap aeuyungh. Ndigah“aeu gaenx gyagiengz gij hongsaeh beizyin son’gyauq faplwd song vahsaw, mboujduenh daezsang gij naengzlig caeuq suijbingz dawzfap, caen-saed baujcang gij gienzik habfap gyoengq vunzlai siujsoq minzcuz, vih coicaenh minzcuz doxgiet, bauj-cang guekgya daengxbuenz onjdingh gunghawj dawz-fap baujcang mizrengz”. [6]

Gvangjsih song vahsaw saemjbuenq cingq saed-guh damqra caeuq cauhmoq,neix hab dawzfap dijci gaijgwz caeuq daengzcog fazcanj fuengyiengq, yaek youq mwh cauxlaeb aenbiengz doxhuz miz yungh dangqmaz. Gvangjsih dwg aen dieg lai minzcuz, mbouj doengz dieg yungh mbouj doengz yiengh vah bae senhconz fapguenj, dwg gij fuengfap daezsang ginz-cung faplwd yisiz ceiq ndei, ndigah fazyen haiguh gij son’gyauq rox yungh song vahsaw, roengzrengz hung bae doigvangq Vahbujdungh, baujmaenh vah minzcuz ndaej cienzciep caeuq fazcanj dwg gij guhfap mizyauq hawj hongsaeh buenxsaemj dieg minzcuz engqgya bienqbaenz gveihfanbienqbaenz seveiva. Hoeng youq ndaw yienhsaeh, gij hongsaehyungh song vahsaw buenxsaemj fazcanj mbouj doxdaengh, daegbied dwg gij fazdingz dieg byalueg henzgyae noix miz boux rox yungh song vahsaw, youh deng cienzngaenz hanhhaed, mbouj miz banhfap gaijgez doengh gij vwndiz nem daihhagdangz caeuq gohyenz gihgou lienzhab beizyin son’gyauq song vahsaw.“Song vahsaw son’gyauq ndaej cwngmingz dwg gij roenloh minzcuz gyauyuz fazcanj ndawde diuz mizyauq ndeu. Mbouj doengz minzcuz, diegyouq cingzgvang mbouj doengzsevei vwnzva beigingj mbouj doengzaendieg vahgangj sangdaemq mbouj doengzsimnyienh minzcuz mbouj doengzginghci diuzgen caeuq banhhag diuzgen mbouj doengz, gij neihanz caeuq neiyungz son’gyauq vah minzcuz vah Bouxgun hix couh miz cengca”.[7]  Gak aen fazyen caengzlaj youq dieg minzcuz mbouj miz saenqsim caeuq gietsim beizyin son’gyauqboux-buenxsaemj rox yungh song vahsaw, lauxsae mbouj gaeuq nanz ndaej guh, mizmbangj lingjdauj mbouj yawjnaek beizyin son’gyauq, dan caj Guekgya Minz-veij caeuq Gauhgiz Fazyen hawj cienzngaenz caeuq swhyenz caiq haifat leihyungh. Doiq doengh aen faz-yenz caengzlaj guh mbouj ndei, aeu gyagiengz doxgap doxlwnh, doenggvaq gij guhfap doxlienz hengzguh neix bae roengzrengz damqcaz caezcienz gij fuengsik beiz-yin son’gyauq, dazyinx bouxcanghcaizbouxbuenx-saemj camgya diuyenzok geiqmaeuzyouh doenggvaq fapguek caeuq faplwd gaemhanh guhdaengz banhfap ceiq ndei, youq mwh bienqbaenz doxcaemhneix guh-baenz cungj gvanhaeh doxcoi doxbouj. Guekgya Minz-veij caeuq deihfueng cwngfuj wngdang gyagiengz son-yinx caeuq bangcoengh, baenghciuq gij lijnen caeuq ginghyen senhcin, deudoeng gij guhfap dox baedauq, coicaenh mizyauq cienjvaq, cungjgez ginghyen caeuq gag rox hitdai, baenzneix sonyinx yinzminz ginzcung byaij ok giz loengloek son’gyauq caeuq dawzyungh song vahsaw, youq giz cengca raaeu giz yawjfap dox-doengz, hawj boux guh hongsaeh faplwd dieg minzcuz caeuq ginzcung lai roxyiuj gij sevei gyaciz son’gyauq beizyin rox yungh song vahsaw.

 

SamGaemdawz seizndeiHai aen giz-mienh moq beizyin son’gyauq bouxbuenx-saemj yinzminz rox yungh song vahsaw

 

Gveihfan bae gensez aen cidu buenxsaemj dieg minzcuzaeu heuh daengx biengz buqgej gij gitgaz beizyin son’gyauq song vahsaw, daegbied dwg aeu Gvangjsih dangguh giz dieg ciengzlwenx banh Dungh-mungz Bozlanjvei, cienz rogguek mboujduenh haeuj-daeuj, henzguek mouzyiz doxceng mboujduenh gyalai, haiguhyiengh hongsaeh diuzgaij gij doxceng aenvih henzguek mouyiz mizok, youz bouxbuenxsaemj yinz-minz yungh song vahsaw daeuj guh, neix yaek guh-baenz gij rengznyoengx lai mbiengj ginghci fazcanj, “Cungguek - Dunghmungz Bozlanjvei dangguh aen daizbingz seizneix mizgaenq ndaej yungh daeuj hwnqguh diuzloh Seicouz Gwnzhaij 21 sigij, Youq gwnz aenhot ciuhneix, yaek laebdaeb dwkdoeng diuz-roen gvangq mouyiz ‘seicouz gwnzhaij’ cuengqhai gij simndei saehndei dox haeujok dox gapguh neix,  cang yienj boux caeuqfaenhboux doinyoengx lizsij bae-naj”.[8] Ceiqsang Yinzminz Fazyen goengbouh saed-hengz Geij Aen Yigen Ceiqsang Yinzminz Fazyen Gvendaengz Yinzminz Fazyen Vih Gensez “Rangh Ndeu Loh Ndeu” Gunghawj Dawzfap Fugsaeh Caeuq Baujcang》, gak aen fazyen caengzlaj cienzmienh cauxguh fazyen beizyin son’gyauq song vahsawmizyauq bae baujcang gij ginghci gensez “rangh ndeu loh ndeu” guh ndaej swnh, hix dwg gij yawjraen doeksaed caeuq hengzguhAen Fap Vahgangj Saw-faenz Guekgya Doengyunghcaeuq Gij Banhfap Gvangjsih Bouxcuengh Swcigih Hengzguh Aen Fap Vahgangj Sawfaenz Cunghvaz Yinzminz Gunghozgoz Guekgya Doengyunghsong bouh faplwd fazgveih.  Youq gwnz aen giek neix bouxraiz yaek daj bet fuengmienh bae lwnhgangj, youq dieg minzcuz laeb-hwnj caezcienz doih vunz bouxbuenxsaemj “rox yungh song vahsaw”dajgoek bae gaijgez gij vwndiz dawz-yunghcaeuq doxyungz lai yiengh vah daezok duicwz genyi.

1.Cauxok aen vanzging moq hawj bouxbuenx-saemj yinzminz yungh song vahsaw youq ndaw fazyen dieg minzcuz dawzfap gauqsaeh

Vih gungganq bouxbuenxsaemj yinzminz rox song vahsawgak gaep fazyen dieg minzcuz ciuq gij daeg-diemj camgya saemjbuenq hozdung caeuq hongsaeh aeuyungh, haibanh aenban son’gyauq boux hag yiengh vah, hag gij vah CuenghYiuzByauzDung doengh aen siujsoq minzcuz neixdinghgeiz guh hagsib beizyingujli aeu gag hag guhgoek, doiq gij bouxcoz miz ceiqheiq dakhawj aen daihhagdangz miz-gven neix guh sojmiz gocwngz gaenriengz gungganq, yienghneix couh caenbauj bouxbuenxsaemj yinzminz caeuq bouxdangsaeh doxgangj mbouj miz gazngaih, baenzneix baujcang minzcuz ndaej caeuqfaenh dawz-fap caeuq guhbaenz minzcuz doxgap gyoengq youq ndawbiengz, Gvangjsih gauhyau yaek seizseiz aeu dawzfap aeuyungh guh dazyinx, vih son’gyauq boux-buenxsaemj yinzminz hag song vahsaw, aeu lai yienghsik dox giethab biensij bonjsaw son’gyauq, ciuq yiengh vah mbouj doengz dieg guh dohmeizdij goq-gienh. Lai yungh fazyen sam gaep vangjloz, hengzguh song vahsaw gizgyae vangjloz beizyingaenx damqra gij fuengfap moq haiguh song vahsaw beizyin. Doengzseiz gak gaep cwngfuj cungj wnggai daj cwngcwz fuengmienh nyeng coh fazyen, gaenx ceng ndaej Guekgya Minzveij caeuq gauhyen bangcoengh, youq ndaw biengz mbanjranz caeuq minzcuz gung-dungzdij, ciuqei gij fazcanj gvilwd vah minzcuz bae haiguh song vahsaw beizyin gihci moq, baenzneix cauxguh aen vanzging moq Gvangjsih gak cuz yinzminz dawzfap hwnjgauq.

2. Gyaak gij naengzlig bouxbuenxsaemj yinzminz youq ndaw fazyen dieg minzcuz dawzyungh song vahsaw

Gak gaep fazyen aeu gaenx sonyinx bouxbuenx-saemj yinzminz, hawj gyoengqde youq mwh saedguh saemjbuenq dawzyungh song vahsaw aeundaej cihsiz caeuq gij naengzlig faencek vwndiz neixcujciz gyoengq bouxbuenxsaemj yinzminz nyinhcaen hagsib vah minzcuz, dawz gij vah neix yungh youq ndaw hongsaeh saemjbuenq, caencingq gaijgez gij hwnjgauq nanzdaez ginzcung dangdieg. Doengzseiz gak gaep fazyen doenggvaq gak cungj caidij senhconz boux-buenxsaemj yinzminz rox yungh song vahsaw, gungq-ganq bouxbuenxsaemj yinzminz rox sug yungh cinj coenzvah, caux aen vanzging buenxsaemj miz daeg-saek minzcuz, yinzda aeu cujciz yinzda daibyauj-genjcaz gij cingzgvang beizyin son’gyauq bouxbuenx-saemj yinzminz rox yungh song vahsaw, ok geiq ok-maeuz, mizrengz bae ngoengx hongsaeh buenxsaemj guh baenaj, mizyauq bae gikcoi bouxbuenxsaemj yinz-minz ciengzseiz ndaej dawz song vahsaw raeuzred yungh youq giz hwnjgauq,  damqra gij fuengfap moq daeuj dawzyungh vahgangj.

3. Doeksaed gij yienghsaeh moq bouxbuenxsaemj yinzminz rox yungh song vahsaw youq ndaw fazyen dieg minzcuz gvancez fapguek hagsib

Nyinhcaen gvancez saedhengz gak hangh gvi-dingh ndaw Fapguek“vunzbiengz gak minzcuz cungj miz gij gienzleih yungh vahgangj sawfaenz minzcuz bonjfaenh daeuj gauqsaeh.  Yinzminz fazyen caeuq yinzminz genjcazyen doiq boux caeuqfaenh gauqsaeh mbouj rox gij vahgangj sawfaenz dangdieg doeng-yungh, wngdang bang gyoengqde fanhoiz”[9]. Cinjdeng bae lijgaij caeuq dawzyungh vah minzcuz,engq ndaej baujciz gij ciennieb fazliz caeuq hawj ginzcung nyinh-dwg. Ndigah gak gaep fazyen cujciz bouxbuenxsaemj yinzminz hag vah minzcuz, saedbauj caeuq boux-dangsaeh baeedauq doxgangj mbouj miz gitgaz, laeb-hwnj gij gihci beizyin son’gyauq doxngamj, yungh lai cungj beizyin yienghsik, sonyinx bouxbuenxsaemj yinzminz youq mwh hagsong vahsaw, gag ndaej daengz cihciz vahgangj caeuqgij naengzlig faencek vwndiz, baenzneix ra ndaej gij roenloh moq gaijgez doxceng.

4. Damqra gij fuengsik moq hailangh fuengbienh son’gyauq bouxbuenxsaemj yinzminz rox yungh song vahsaw

Dieg minzcuz aeu lailai bae yungh gijndei boux-buenxsaemj yinzminz, gyoengqde ginghyen ndaw-biengz laisugrox gij simmuengh yinzminz, roengz-rengz damqra gij gihci moq hongsaeh cauhmoq bonj-dieg, guhbaenz gij ginghyen daj ndawbiengz daeuj,dwg miz rengzhoengh cauhmoq,rox dawzyungh saemjbuenq sizcen, gak gaep fazyen aeu miz giva doenggvaq lai yienghsik bae haiguh gij hongsaeh beiz yin vahgangj, doekdingh beizyin neiyungz, giethab gij saedsaeh cingzgvang doengh dieg siujsoq minzcuz comzyouq, caezcienz gij beizyin son’gyauq bouxbuenxsaemj yinzminz rox yungh song vahsaw, doiq bouxbuenx-saemj yinzminz rox yungh song vahsaw gig ndei, gak gaep yinzminz fazyen aeu guh byaujcangh, caeuq hongsaeh bienqdoengh dem leih’ik doxlienz. Gak gaep fazyen aeu laebhwnj gij gihci bouxbuenxsaemj yinzminz rox song vahsaw swhyenz caezyiengj, youq daiyi fuengmienh doiq bouxbuenxsaemj yinzminz canghcaiz caeuq bouxbuenxsaemj yinzminz dieg wnq rox song vahsaw, aeu boujhawj daengz giz, seizseiz hawj bouxbuenxsaemj yinzminz“miz daegdiemj laj-mbanj dangqmaz”  neix fazveih naengzliengh cingq.

5. Baijok bouxbuenxsaemj yinzminz rox yungh song vahsaw fazyen dieg minzcuz guh ndaej saehcingz moq

Bouxbuenxsaemj yinzminz youq mwh saedhengz faplwd guekgya ciuhneix,  cangyienj boux youqgaenj, gak gaep fazyenz aeu gaenx vih bouxbuenxsaemj yinz-minz rox song vahsaw, gaphwnj aen daizbingz dox gangj dox hag song vahsaw, coicaenh fazgvanh caeuq bouxbuenxsaemj yinzminz ndaej cihsiz doxbouj. Yinz-da aeu gamduk gij cingzgvang beizyin song vahsaw bouxbuenxsaemj yinzminz, doengzseiz gak gaep fazyen youq mwh habseiz ciuhai gij hoih doxdamz anqlaeh caeuq ginghyen yungh song vahsaw gaijgez dawzfap doxceng, coicaenh bouxbuenxsaemj yinzminz vih minzcuz dawzfap ok goengrengz, aen fazyen mbouj doengz guenjhanh gij vwnzva de mbouj doengz, yungh yienghsik lingzvued daeuj cingj bouxbuenxsaemj yinz-minz “boux gag hag rox” ndawbiengz cienz ginghyen caeuq guhfap, habseiz diuzcingj gij hingzveiz boux-buenxsaemj yinzminz rox song vahsaw.

6. Caezcienz gij gihci moq bouxbuenxsaemj yinz-minz rox song vahsaw, youq ndaw fazyen dieg minzcuz yiengq ndaw yiengq rog hagsib

Vah minzcuz dwg gij doxgaiq aen minzcuz caez-caemh gwndaenj baedauq seiz dam seiz gyoebgyonj baenz haenx, bouxbuenxsaemj yinzminz aeu seizseiz yungh gij fuengsik minzcuz yungzhab caeuq vwnzva hailangh daeuj guhbaenz hongsaeh buenxsaemj, cij ndaej fungfouq minzcuz fazci gensez. Gak gaep fazyen hix aeu gaenjgaenj baenghdak gij coengming boux-canghcaiz caeuq bouxcaizlaeg daeuj caezcienz gij son’gyauq caeuq beizyin bouxbuenxsaemj yinzminz rox yungh song vahsaw, caeuq daihhagdangz laebhwnj gij guhfap doxlienz beizyin, baenzneix yawjraen gij daegdiemj saemjbuenq caeuq buenxsaemj yungh song vahsaw,  guhbaenz “faplwd lai yiengh yungh” caeuq “vwnzva lai yiengh yungh” ceng’aeu youq dieg minz-cuz laebhwnj cidu lienzhaeh, coicaenh gak gaep faz-yen yungh song vahsaw saemjleix anqgienh caeuq hongsaeh diuzgaij miz doedbyoengq moq.

7. Hai seizndei hawj bouxbuenxsaemj yinzminz youq dieg minzcuz rox yungh song vahsaw guhbaenz lai yiengh vah minzcuz doxdoeng

Ginzcung dieg minzcuz doiq dawzfap goeng-cingqgoengbingz iugouz yied daeuj yied sang, neix couh aeu goengrengz lai fuengmienh ndaw biengz haeujdaeuj guh, “gij giva baenzboix gyahwnj” boux-buenxsaemj yinzminz hab ndawbiengz aeuyunghseizseiz gyaak gij naengzlig yungh vah moix boux-buenxsaemj yinzminz, yungh yiengh dox gangj dox doeng haemq ndei neix hawj bouxdangsaeh habhozguhbaenz bouxbuenxsaemj youq seiz banh anqgienq caeuq bouxdangsaeh doeng vah mbouj miz saekdi gitgazhawj bouxbuenxsaemj miz yiengh gunghnwngz moq.  Gak gaep yinzminz fazyen itdingh aeu gyagiengz gohyoz guenjleix, youq mwh caezcienz bouxbuenx-saemj yinzminz “doiqok gihci” yawjnaek gyabouj bouxbuenxsaemj yinzminz mbouj doengz minzcuzyouq mwh gaijgwz vah buenxsaemj daj lai giz yawj neix, engqgya dawznaek minzcuz daegsaeknyinhcaen hawj ginzcung rox buenqdingh gezgoj, engq roxcingq buenqdingh baengzgawq caeuq gocwngz, lailai yawj-raen song vahsaw saemjleix anqgienh dwg hangh “gunghcwngz ndei beksingq” dieg minzcuz ndeu.

8. Hawj son’gyauq beizyin bouxbuenxsaemj yinzminz rox yungh song vahsaw youq ndaw fazyen dieg minzcuz ndaej baenz gienhsaeh ndawbiengz

Gak gaep fazyen dieg minzcuz aeu ciengzseiz cujciz fazgvanhbouxbuenxsaemj yinzminz dungxcaiz laeggeq daeuj doiq hongsaeh buenxsaemj gangjgangj faplwd conhyez cihsizdaudwz monzhongsaehnaengzlig buenxsaemjdawzfap diuzgaij doengh fuengmienh neix baenzlawz yungh song vahsawgangjgej faencek gij anqgienh denjhingzmiz saek mwh lij aeu hengzguh yiengh “byaij okbae” caeuq “cingj haeujdaeuj”, gibseiz handauq gij sevei dawzfap gak cuz yinzminz aeuyungh de. Dwkbyoengq gij laengzgaz vah hwnjgauq ndawgyang fazyen caeuq ndawbiengz, baenzneix coihawj vah minzcuz son-gyauq gapbaenz gyoengq ndeucingjhab swhyenzdajcaux aen daizbingz hongsaehcauhmoq gij fueng-sik doiqciepgohyenz gihgvanh caeuq daihhagdangz aeu cujciz “soengq gungganq daengz fazyen” guh hongsaeh beizyin, sonyinx caeuq gyagiengz gij sim-cingz hagsib bouxbuenxsaemj yinzminz,yawjnaek son-gyauq gij naengzlig dingqgangjhoiz,  gizgiz hengz-guhguhbaenz gij hongsaeh fazyen dieg minzcuz caeuq vah minzcuz dox doiqciep.

Gyonj daeuj gangj, beizyin son’gyauq rox yungh song vahsaw youq dieg minzcuz dwg giz youqgaenj cauxbaenz ndawbiengz doxhuz“song vahsaw son-gyauq dwg gienhsaeh guhbaenz minzcuz bingzdaengjgoengbingz fazcanj gak minzcuz vwnzva caeuq vah-gangj doi mbouj bae”[10] ,  doengzseiz hix dwg “yiengh fuengfap ceiq mizyauq gvancez gij cwngcwz dangj caeuq guekgya gvendaengz vahgangj sawfaenzdoek-saed gij dungjyiz caeuq gij lai yiengh vahgangj, youq mwh doigvangq Vahbujdungh neix baujhoh vah minz-cuz caeuq vah deihfueng vunzsoq noix.”[11]  Gak gaep fazyen song vahsaw son’gyauq daj damqra dinghlaeb daengz doigvangq dawzyungh, mboujduenh gaeuqdoh minzcuz ginzcung aeuyungh. Youq mwh hengzguh gij cidu bouxbuenxsaemj yinzminz caezcienz gij hongsaeh hagsib beizyin song vahsaw dieg minzcuz, yaek ndei guh doidoengh lienzdaemh caeuq fazcanj hongsaeh bouxbuenxsaemj yinzminz, gak gaep fazyen lai yungh gij ginghyen cienzboq vah ndaw biengz, aeu fapguek caeuq faplwd guh hanhaed coicaenh vah minzcuz bingzyaenx, hawj son’gyauq song vahsaw bienqbaenz saeh ndawbiengz, baenzneix hawj aensim vunzgyoengq gak cuz yinzminz youq ndaw vahgangj roxnyinh daengz dawzfap goengcingq.

Sawfaenz Ciuqyawj:

[1]Aen Gietdingh Cunghgungh Cunghyangh Gvendaengz Geij Aen Vwndiz Hungnaek Ciuqfap Guenj Guek [EB/OL]. http://news.xinhuanet.com/2014-10/28/c_1113015330_4.htm.2014-10-28.

[2] Cinz Hinghliengz guhgoek bienraiz Lwnh Fuengfap Yenzgiu, Cinghvaz Dayoz Cuzbanjse 2006 nienz banj, 46.

[3] Hij Cungh. Dwkbyoengq Gij Laengzgaz Vahgangj Gaq Diuzgiuz Doxdoengz—Aen Hoih Doxdamz Hongsaeh Beizyin Gungganq Fazgvanh Rox Yungh Song Vahsaw Gyonj Lwnh [N]. Yinzminz Fazyen Bauq, 2015 -5-29 (3).

[4] Cun Hungzbinh, Cangh Vwnzsen. Gij Guhfap Mizyauq Doihengz Song Vahsaw—Laebhwnj Swnghdai Vanzging Vahgangj Doxhuz [J]. Gyaciz Gunghcwngz. 2015 (8): 313-315.

[5] Cangz Lieng. Gij Guhfap Gaijgez Doxceng Dawzfap Dieg Minzcuz Yenzgiu [D]. Baekging: Cunghyangh Minzcuz Daiyoz,2013:5, 14,12.

[6] Couh Gyangz. Gyagiengz Gij Hongsaeh Faplwd Son’gyauq Beizyin Yungh Song Vahsaw Dawzfap  Gaenx Coicaenh Dieg Minzcuz Fazci Gensez [N]. Yinzminz Fazyen Bauq, 2015-3-16 (1).

[7] Veiz Sugvanh, Ouhyangz Cangzcingh. Leixsingq Guh Ngeixnaemj, Laegdaeuq Bae Bajaek—Bingz Lwnh Cuengh Gun Song Vahsaw Son’qyauq Fazcanj[J]. Gvangjsih Minzcuz Dayoz Yozbau. 2015 (1):173-175.

[8] Linz Hanz. Cunghgoz Dunghmungz Bozlanjvei Gwnzhaij Seicouz Mouyiz Lohmoq Bingzdaiz Hung Doxdoeng [J] . Cunghgoz -Dunghmungz Bozlanj. 2014 (9): 25.

[9] Fapguek Cunghvaz Yinzminz Gunghozgoz [EB/OL] . http://www.gov.cn/gongbao/content/ 2004/content_62714.htm.

[10] Gu Vazsiengz. Gij Hitdai Caeuq Singjgaeh Meijgoz Song Vahsaw Son’gyauq Fazcanj—Giem Lwnh Gij Cekeiq Fazcanj Song Vahsaw Son’gyauq Dieg Minzcuz Guek Raeuz [J]. Guekgya Gyauyuz Hingzcwng Yozyen Yozbau. 2008(1):86-95.

[11] Liuz Licing. Youq Laj Yiengh Bienqbaenz Hawsingz Gvangjsih Vah Minzcuz Swnghdai Vwndiz Yenzgiu [J]. Gvangjsih Sevei Gohyoz. 2014 (12):65-68.

 

 

[Genjdanh gaisau bouxraiz] Gauh Veiginh, Gvangjsih Minzcuz Dayoz Fazcanj Gveihvacu gohcangj, gyauzyuzyoz sozsw, culij yenzgiuyenz; Gauh Cicangh, yenzgiuyenz, Nanzningz Si Sihyanghdangz Gih Yinzminz Fazyen bouxbuenxsaemj, Nanzningz Si Laujnenz Gohyoz Hezvei veiyenz.

[Genjdanh gaisau bouxhoiz] Veiz Caijcinh, Cunghyangh Minzcuz Yijvwnz Fanhyizgiz fuyizsinj.

 

(Beuxbien: Veiz Yennaz)

 

分享 |
责任编辑:沈广站 【发表评论】【加入收藏】【告诉好友】【打印此文】【关闭窗口
 网友评论:(只显示最新10条。评论内容只代表网友观点,与本站立场无关!)
  • 上一个文章:
  • 下一个文章: 没有了
  • 点击申请点击申请点击申请点击申请点击申请点击申请点击申请点击申请点击申请
    | 设为首页 | 加入收藏 |友情链接 |版权申明 | 管理登录 | 
    顾问: 赵廷江 侬开文 王明富 王建国 田玉海 管理员:沈广站
    版权归属:文山壮族网 ICP备案/许可证编号:公安ICP备案号:53262503502009 滇公网安备 53262502003017号
    Copyright (C) 2009-2013 Www.WsZhuangZu.Com All Rights Reserved.
    免责声明:本站部分内容为网上收集,旨在弘扬和宣传壮族文化,如有内容损害到您的权益,请联系站长删除!谢谢!文山壮族网对此表示歉意。